البرنس: يوليو 2011

الأربعاء، 27 يوليو 2011

جريدة البشاير | أرسل لها الزوج ١٠٠ قبلة فوزعتها علي السوق |

الاثنين، 11 يوليو 2011

خالتي ام الجاسوس

خالتي ام الجاسوس ست إسرائيليه شريفه بتستخدم الغاز المصري اللي برخص التراب ،مبسوطه بمعاهده السلام،بتستمتع بالفرجه ع مجازر اسرائيل زي اي مواطنه إسرائيليه شريفيه…لكن ياحبه عيني متنصرتش في ابنها،شاب زي الورد مواليد ١٩٨٥،مز السنين بيشتغل ضابط في الموساد ،او ضابط في الدفاع،او صحفي …هو هيقرر بعدين المهم انه اترقي وبقه جاسوس إد الدنيا وتشلح بكل اسلحه الجاسوسيه الفتاكه..(اكونت ع فيسبوك-موبايل بكمره…)يعني مخلاش ،وجه مصر عشان يشوف اكل عيشه وينفذ المطلوب منه ..جه مصر يوم ٢٨يناير او ١١فبراير او في وقت الثوره …شغل جواسيس بقه إحنا ايش فهمنا ،عمل اللي عليه وزياده …(،وكيعه بين الشعب والجيش،حرض ع ثوره الغضب التانيه ،فتنه طائفيه،حرق كنيسه اطفيح، انفلات امني،سخن اعتصام ماسبيرو وكان نازل ع انه مسيحي (اه ياجاسوسه يا سهنه انتي)،شارك في مظاهره قسم الازبكيه وكان بيهتف والشباب بيردوا وراه…جاسوس جاسوس يعني لا والاناح من كده والابجح كان مطلوب منه يساعد لانجاح البرادعي في الانتخابات..يخرب بيت امه(لامواخذه ياخالتي) لا كله الا البرادعي ده عميل إيراني امريكي مزدوج علماني ليبرالي يساري يميني ..مش لاقيله ركنه ،كان عايزه يمسك مصر ..يالا الحوسه،المهم بقه انه رغم انه جازوز فتاك ،وخبرته العاليه فاته حاجه مهمه جدا انه متهرجش مع المخابرات المصريه دي الف باء جاسوسيه..دول تربيه ادهم صبري يابني ،عرفوا يجيبوه من قفاه من غير لا حبر سري ولا كمره مخفيه ولاااااا الكلام القديم دهون جابوه من بروفيل فيسبوك بتاعه ..التكنولوجيا غداره برضك ،لا وفي فتره وجيزه ،بعد ماعمل البلاوي دي كلها..،وحققوا معاه واعترف او انكر..مش بقولكوا شغل جواسيس انه وراء ثوره ٢٥يناير الميجيده او كان جاي يفشل ثوره يناير في احداث يناير هو لسه مقررش بس هيصلي استخاره ويقرر ان شاء الله
أنا بقه كل اللي بفكر فيه خالتي ام الجاسوس ذنبها إيه المسكينه تتشحتف ع ابنها،ده لسه في عز شبابه، أنا هنا بنادي كل المسئولين بضروره وقف المحاكمات المهلبيه للجواسيس متقلقيش يا خالتي
كلنا خالتي ام الجاسوس..
أعدوا بالعافيه..خالتكوا ام بوحسن

عصام شرف، شعرة معاويه!

على بلاطه كده انا ضد التركيز على اعتبار عصام شرف هو المشكلة و أن الحل يكمن في استقالته فتصديق هذا يشبه دفن الرأس في الرمال كالنعام، الوضع الحالي لعصام شرف يتضمن سيناريو من الاثنين: 1- الهاءنا بعصام شرف كممثل عن السلطة التنفيذيه بعيدا عن المشكلة الرئيسيه.2- توريط عصام شرف في الصدام مع الثوار و بعدها يتم اسكاتنا باقالته و انا متوقع ان رئيس الوزراء اللي بعد سيكون من الفلول رسمي و لا استبعد ان يكون شفيق “محترم ياراجل”
أنا عايز اخويا عصام!عصام شرف حاليا وصل للمرحله التي يقف فيها على الخط اللي يفضل النقيضين، مصلحة الثورة التي أتت به على كرسي الوزارة و النقيض الآخر تعليمات المجلس العسكري التي تتضح مع الوقت انها ليست مع طلبات و مكتسبات الثورة المصرية. نريد عصام شرف الذي كنت مع الثوار في التحرير نحمله على الأعناق من أجل تحقيق مطالب الثورة لا للسفر للشحاته من دول عربيه أو تركه الحبل على الغارب لوزير الداخليه مع أنه يعرف أنها الخطر الاكبر على الثورة.
الآن عصام شرف يمثل “شعرة معاوية” بيننا و بين المجلس العسكري.هو ممثل السلطة التنفيذيه و المفترض انه هو الشخصيه الوحيده التي تحظى بثقه – حتى و ان قلت – من الثوار، تواجده في مكانه حتى الآن يمثل الصمام الذي بعده ستنفجر الثورة من جديد، نزول عصام شرف التحرير بعد الاستقاله سيكون دعوة صريحه للثورة لأنه سيظهر بوضوع من هو عدو الثورة الحقيقي. لا أريد ان أشك في نوايا شرف فربما شرف يرى خطورة لتقديمه للاستقاله و نزوله للتحرير كما كان قد وعد سابقا.
ماعلى شرف فعله؟ في رأيي هو أن يختار بين الثورة و بين المجلس العكسري، عصام شرف يذهب للمجلس العسكري بطلبات الثوار و يرجع بأقل مماطلب و حتى ماتم التوافق عليه يتم تلبيه بحديث مرسل يبدا ب “سوف” و “أناشد” و هو امر يثير جنون الثوار انهم يروا ان المجلس و شرف لا يدركون حقيقة كونها ثورة و الثورة لا تفاوض ولا تناشد و ليست بأي حال حركة اصلاحية!هناك قوتان كل واحده ضد الأخرى قوة الشارع متمثله في ميدان التحرير، و قوة المجلس العسكري متمثله في كرسي شرف.
اصرار شرف على تقبل سياسة المجلس العسكري من الممارسات المسكنه و المهينه للفعل الثوري تزيد النقد ضده يوما وراء الآخر ولا ألوم من يوجهونه و أخاف أن يأتي اليوم الذي سيتم اعتباره جزء من الفلول، لو تجرأ شرف و استقال ليذهب للميدان سيحظى بالقوه الثانية و هي قوة الميدان، فقط عليه أن يختار بين من أتوا به حقا ليدير حكومة ثورية و بين من يراهم يقتلون الحلم الثوري